“Ir-reputazzjoni ta’ Daphne kibret wara mewtha” – Omtzigt

Pieter Omtzigt li tqabbad mill-Kunsill tal-Ewropa biex jirrapporta dwar l-assassinju ta’ Daphne Caruana Galizia qal li l-impatt tax-xogħol tagħha jibqa’ jivvibra f’Malta u lill’hinn.

Meta kien qed jieħu sehem fil-kommemorazzjoni f’għeluq is-sentejn mill-assassinju ta’ Caruana Galizia, Omtzigt qal li r-reputazzjoni internazzjonali tagħha ta’ ġurnalist investigattiva bla biża’ kibret iktar. 

Huwa qal li l-legat tagħha għadu ma ġietx assigurat f’Malta iżda jista’ jitkejjel mill-verità u l-ġustizzja jekk il-qattiela tagħha u dawk li ordnaw il-qtil tagħha jiġu kkundannati. B’hekk tintemm l-impunità għall-korruzzjoni u tintemm l-klima ta’ biża’ għall-ġurnalisti.