Ħsara fl-interconnector: Imur id-dawl f’diversi lokalitajiet

no electricity, candle
Ritratt: Unsplash

Read in English.

Diversi lokalitajiet madwar Malta u Għawdex għal xi ħin kienu bla provvista tal-elettriku minħabba ħsara fl-interconnector. Id-dawl inqata’ ftit qabel it-7.45pm.

Fi stqarrija ftit wara t-8pm, l-Enemalta spjegat li t-tekniċi għaddejjin b’ħidma biex biex il-provvista tal-elettriku tiġi lura għan-normal fl-iqsar ħin possibbli. F’uħud mil-lokalitajiet, fosthom Birkirkara, Ħaż-Żebbuġ u l-Ħamrun, id-dawl reġa’ ġie lura.

Kważi sena ilu, propju fis-26 ta’ Novembru tal-2019 diversi lokalitajiet f’Malta u Għawdex għamlu numru ta’ sigħat bla provvista tal-elettriku. Dakinhar, l-Enemalta qalet li l-qtugħ ġie kkawżat minħabba ħsara fl-interconnector, li wassal ukoll biex kellhom jiġu posposti xi operazzjonijiet fl-Isptar Mater Dei.

Dawn huma wħud mil-lokalitajiet fejn inqata’ d-dawl:

  • Ħaż-Żebbuġ
  • Is-Siġġiewi
  • Ħ’Attard
  • Il-Ħamrun
  • Birkirkara
  • Wied il-Għajn
  • Swatar
  • Ħal Balzan
  • Qawra
  • Ħal Lija
  • Għargħur
  • Naxxar
  • Rabat
  • Qala, Għawdex
  • Ħad-Dingli

Inqatagħlek id-dawl u l-lokalità tiegħek mhix f’din il-lista?

Ikkummenta hawn taħt