Il-Polonja tuża vodka konfiskat bħala diżinfettant

Members of firefighters wear protective face masks, amid fear of coronavirus disease, as they disinfect the streets, ahead of the Iranian New Year Nowruz, March 20, in Tehran
WANA (West Asia News Agency)/Ali Khara via REUTERS

Madwar 500,000 litru ta’ vodka tal-kuntrabandu u xorb alkoħoliku magħmul b’mod illegali issa jistgħu jinużaw bħala diżinfettant fil-ġlieda kontra l-coronavirus, skont l-Uffiċċju Nazzjonali tal-Prosekutur Pubbliku tal-Polonja.

Skont il-Brussels Times, l-awtoritajiet tad-dwana u tat-taxxi tal-Polonja kienu qed iżommu mill-inqas 430 litru ta’ vodka u alkoħol pur. Ammont mix-xorb kien ġie sekwestrat bħala evidenza fil-qorti filwaqt li l-bqija ġie konfiskat wara dawn it-tip ta’ każijiet.

Minflok se jinqered, ix-xorb issa ngħata lis-servizzi relevanti biex jintuża għad-diżinfettazzjoni tal-bini, kmamar, u vetturi.

Is-servizz tat-tifi tan-nar f’Olsztyn, żona fil-Polonja li taqsam il-fruntiera mar-reġjun Russu ta’ Kaliningrad irċieva 1,000 litru ta’ xorb pur, filwaqt li tliet sptarijiet ingħataw 2,500 litru skont kelliem għad-dwana tal-Polonja.

Intant il-Gvern Spanjol qal li se jagħmel dak kollu li hemm bżonn biex jiġġieled kontra l-pandemija tal-coronavirus u avża li “l-agħar għadu ġej” wara li Spanja rreġistrat l-1,300 mewt tagħha u bdiet toqrob lejn il-25,000 każi.

Jekk tixtieq tkun minn tal-ewwel li tirċievi l-aħħar aħbarijiet dwar il-coronavirus f’Malta, niżżel l-APP ta’ Newsbook minn hawn