Il-panzanella Taljana, insalata bil-ħobż

Inslata bil-ħobż

Ingredjenti

300g ħobż, imqatta’ biċċiet. (Hemm min juża ħobż niexef għal din ir-riċetta)

125ml żejt taż-żebbuġa

30ml ħall aħmar

1 mgħarfa għasel

3 irjus tewm, mgħaffġa

1 bżaru isfar

1 bżaru aħmar

500g tadam

125g basal

75g żebbuġ bla għadma

30g kappar

ftit weraq tal-ħabaq imqatta’

bżar u melħ

Metodu

Ixwi l-bżar bi ftit żejt taż-żebbuġa għal 20-30 minuta. Meta jiksħu obroxhom u qattagħhom biċċiet.

F’bieqja kbira roxx fuq il-ħobż 75ml taż-żejt, it-tewm u l-bżar u l-melħ. Wara poġġihom f’dixx tal-forn u ixwihom għal 10 minuti sakemm il-ħobż jieħu kulur dehbi.

Issa ħallat flimkien il-kumplament taż-żejt, il-ħall u l-għasel.

Isslajsja l-basal irqiq kemm tista’ u itfa’ fit-taħlita taż-żejt flimkien mal-kappar  u ż-żebbuġ. Aqsam it-tadam min-nofs u l-biċċiet tal-bżar u żidhom.

Fl-aħħar ħallat ukoll il-biċċiet tal-ħobż mixwi u l-weraq tal-ħabaq.

Ħalli kollox joqgħod għal 30 minuta qabel isservi biex tagħti ċans lill-ħobż jassorbi t-togħmiet tat-taħlita.