Imħallef tirbaħ lill-AĠ dwar id-droga

Read in English.

Il-Qorti kkonfermat li jingħataw il-ħelsien mill-arrest it-tliet irġiel akkużati li ttraffikaw id-droga wara li nqabdu b’1.5kg kokaina u €63,000 flus kontanti l-ġimgħa l-oħra f’Ħal Kirkop.

Dan wara appell mill-Avukat Ġenerali li saħaq li minbarra li kien hemm ix-xhieda fil-każ, l-akkużi huma serji ħafna.

Madankollu, il-Qorti tal-Appell, ippreseduta mill-Imħallef Edwina Grima, irrifjutat l-argumenti tal-Avukat Ġenerali, għax qalet li l-ewwel seduta tal-qorti kienet fid-diskrezzjoni tagħha li timponi l-kundizzjonijiet tal-pleġġ, li s’issa t-tliet akkużati kienu obdew.

It-tliet irġiel jinsabu akkużati wkoll b’ħasil ta’ flus, filwaqt li wieħed minnhom qed jaffaċċja  akkużi li kellu pjanta tal-kannabis.

Huma wieġbu mhux ħatja tat-traffikar tad-droga u li kellhom il-kokaina li ma kinitx għall-użu personali tagħhom.

Tnejn minnhom ingħataw il-ħelsien mill-arrest fuq depożitu ta’ €10,000 u garanzija personali ta’ €20,000 kull wieħed, u li ma joħorġux mid-dar bejn nofsillejl u s-6am. L-akkużat l-ieħor għandu jħallas depożitu ta’ €5,000 u garanzija personali ta’ €25,000 filwaqt li ma joħroġx bejn il-11pm u s-7am.