Malta se tirċievi kważi biljun ewro f’għajnuna mill-KE

Aġġornat 08:42 AM
European Union flags
REUTERS/Yves Herman/File Photo

Read in English.

Malta mistennija tirċieivi kważi biljun ewro mill-pjan ta’ €750 biljun li żvelat il-Kummissjoni Ewropea biex l-Ewropa tirkupra mill-effetti tal-coronavirus.

Sorsi intiżi mal-politika tal-UE qalu lil Newsbook.com.mt li s-somma li se tirċievi Malta toqrob lejn il-€992 miljun.

Il-Kap tad-Delegazzjoni tal-PN fil-Parlament Ewropew Roberta Metsola qalet lil Newsbook.com.mt li rapporti mhux uffiċjali qed jgħidu li Malta se tirċievi kważi biljun ewro. Qalet li dawn il-grants u l-loans se jkunu essenzjali biex jiġu protetti x-xogħlijiet.

L-MEP tal-PN David Casa qal li Malta se tgawdi bil-kbir mill-għajnuna Ewropea.

“Dan l-appoġġ se jindirizza l-isfidi tal-preżent filwaqt li jżomm f’moħħu l-ambizzjonijiet tal-futur,” kiteb Casa fuq Facebook.

🇲🇹 Malta will benefit greatly from the proposed EU Recovery Instrument that totals €750 billion. This support will…

Posted by David Casa on Wednesday, May 27, 2020

Skont ir-Reuters, ammont kbir mill-flus se jmorru għand l-Italja u Spanja. Dawn iż-żewġ pajjiżi li ntlaqtu l-agħar mill-pandemija għandhom jirċievu €313 biljun bejniethom.

Ġie rrappurtat lil mill-750 biljun ewro, żewġ terzi se jkunu fi grants iffinanzjati mill-joint borrowing. It-terz l-ieħor se jkun f’self.

F’indirizz illum, il-President tal-KE Ursula von der Leyen qalet li l-kriżi li trid tiġġieled l-Ewropa kienet “enormi”. Però, qalet li hija opportunità kbira għall-Ewropa. Spjegat li hija responsabbilità kbira biex jagħmlu l-għażla t-tajba f’dan il-mument tant importanti.