Il-każijiet tal-Covid-19 jaqbżu l-50 miljun

A-middle-aged-Italian-couple-wearing-face-masks-stroll-along-the-main-street-in-the-town-of-Rieti-Italy-Gabriella-Clare-Marino-coronavirus1

Il-każijiet globali tal-coronavirus qabżu l-50 miljun. Dan skont it-tracker tal-Università ta’ Johns Hopkins li fiha ntqal li ġew irrappurtati total ta’ 50,052,204 infezzjonijiet.

Il-pajjiżi bl-ogħla ċifri ta’ infezzjonijiet huma:

  • L-Istati Uniti b’9,879,323,
  • l-Indja bi 8,507,754,
  • il-Brażil b’5,653,561,
  • ir-Russja b’1,760,420 u
  • Franza b’1,709,773.

Skont l-istess ċentru ta’ riċerka l-ogħla għadd ta’ imwiet ġew irreġistrati:

  • fl-Istati Uniti bi 237,192 imwiet, segwiti
  • mill-Brażil (162,269 imwiet),
  • l-Indja (126,121 imwiet),
  • il-Messiku (94,808 imwiet) u
  • r-Renju Unit (49,134 imwiet)
  • L-Italja rreġistrat 41,394 mewt sal-lum.

Reuters ikkalkulat li Ottubru kien l-agħar xahar tal-pandemija tal-koronavirus s’issa. It-tieni mewġa fl-aħħar 30 jum kienet tammonta għal kwart tal-każijiet kollha.