Il-Gvern Malti għandu jagħti eżempju u jiftaħ il-portijiet – 23 NGO

Twitter / Open Arms

Read in English.

23 għaqda mhux governattiva fi stqarrija qalu li minkejja l-appelli li saru lil Malta u l-Italja biex jiftħu l-portijiet tagħhom għal persuni li jinsabu bejn sema u ilma, il-Gvernijiet ta’ dawn iż-żewġ pajjiżi qed jibqgħu jkaxkru saqajhom bil-konsegwenza li l-kundizzjonijiet abbord iż-żewġ vapuri qed ikomplu jiħżienu u s-sigurtà u l-ħajja tan-nies qed tiġi kompromessa.

Aqra: L-Open Arms jasal fl-ibħra territorjali Taljani; Tintalab evakwazzjoni medika

L-għaqdiet qed jappellaw lill-Gvern Malti biex jagħti eżempju u jħalli lin-nies abbord iż-żewġ bastimenti ta’ salvataġġ jinżlu Malta skont il-liġijiet internazzjonali.

Aqra: Agħtu port ta’ sigurtà lill-507 immigrant bejn sema u ilma – UNHCR

Huma qalu li hu inaċettabbli li jsir l-argument li dawn l-immigranti għandhom jiġu rritornati l-Libja meta hemm riskju li dawn jispiċċaw il-ħabs f’kundizzjonijiet ta’ tortura, skjavitù  u abbuż. L-għaqdiet qed jinsistu li taħt l-ebda definizzjoni l-Libja ma tista’ titqies bħala port sigur, allura huwa imperattiv li tinsab soluzzjoni oħra għal dawn l-immigranti.

Aqra: Qorti Taljana tissospendi d-digriet ta’ Salvini; Open Arms jitħalla jidħol fl-ibħra

L-għaqdiet li ffirmaw l-istqarrijiet kienu dawn:

  1. aditus foundation
  2. African Media Association Malta
  3. Allied Rainbow Communities
  4. Anti-Poverty Forum Malta
  5. Caritas Malta
  6. The Critical Institute
  7. Drachma LGBTI
  8. Drachma Parents GroupIntegra Foundation
  9. Isles of the Left
  10. Jesuit Refugee Service (Malta)
  11. Kopin
  12. LGBTI+ Gozo
  13. Malta Emigrants’ Commission
  14. Maltese Association of Psychiatry
  15. Men Against Violence
  16. MGRM-Malta LGBTIQ Rights Movement
  17. Moviment Graffitti
  18. OASI Foundation
  19. Office of the Dean – Faculty of Education University of Malta
  20. People for Change Foundation
  21. Richmond Foundation
  22. SOS Malta
  23. SPARK15