Il-ġuvintur jisfidaw lil xulxin illejla f’X Factor

L-10 programm mit-tieni staġun ta’ X Factor jixxandar illejla fuq TVM fid-8.50pm. Illum imiss it-tielet Chair Challenge u se naraw il-kategorija ta’ Ray, dik tal-ġuvintur.

Hemm 6 siġġijiet u 12-il kantant. Min se jkun qed jeħodhom dawn is-siġġijiet?

Matt Black, Jurgen Volkov, Jake Camilleri, Logan Borg, Nedved Galea, Dayle Camilleri, Noah Grech, Karl Schembri,  Giovanni, Kyle Cutajar, Dav Jr u Cain Portelli se joħorġu b’saħħithom mhux biex jieħdu siġġu iżda biex jippruvaw iżommuh sal-aħħar.

Kemm se jagħmluha faċli għal Ray biex jasal għad-deċiżjonijiet tiegħu u jagħżel dawk is-sitta li se jkunu qed jgħaddu għall-fażi tal-Judges Houses?

Intant illum f’The Point f’Tas-Sliema, il-parteċipanti tal-programm X Factor se jkunu qegħdin hemm bejn it-3pm u l-4pm fejn se jkunu qed ikantaw u anki jiltaqgħu mal-pubbliku.