Hummus b’mod differenti

Riċetta u ritratt: Tanya Zammit

Ingredjenti

150g ċiċri mnixxfin

1 meraq ta’ lumija magħsura

60ml Tahini paste

1 ras ta’ tewma mgħaffġa

2 mgħaref żejt taż-żebbuġa

nofs kuċċarina cumin

nofs kuċċarina melħ

2 mgħaref ilma

niskata paprika

Metodu

Poġġi ċ-ċiċri fl-ilma għal matul il-lejl u wara għalli għal siegħa. Neħħi l-ilma sewwa minn passatur.

Agħmel il-meraq tal-lumi mat-Tahini paste f’food processor u aħdem għal 30 sekonda.

Żid iż-żejt taż-żebbuġa, it-tewm, il-cumin u l-melħ u aħdem għal 30 sekonda.

Żid nofs iċ-ċiċri u aħdem għal minuta. Wara żid  iċ-ċiċri l-oħra u l-ilma u aħdem għal minuta oħra.

Daħħal fil-friġġ u użaha fi żmien ta’ ħamest ijiem.

Meta tkun lesta, feserr il-parika fil-wiċċ.

Servi mal-pita bread jew ma’ xi ħaxix.