“Ħolma li saret realtà” – Claudia Faniello

Ritratt: Facebook/FabrizioFaniello

Għal Claudia Faniello  ħolma li kellha saret realtà hekk kif iggradwat u kisbet id-diploma fil-Facilitating Inclusive Education fl-Università ta’ Malta. Meta tkellimna magħha, Claudia qalet li din hija ħolma saret realtà u li issa qed tagħmel degree fuq l-istess suġġett.

“Jekk il-Bambin irid nerġà niggradwa sena u nofs oħra,” ikkummentat Claudia.

Minkejja li l-istudju jeħdilha ħafna ħin, dan mhux jeffettwalha l-karriera mużikali tagħha.

“Bħala ħin le. Huma żewġ affarijiet totalment differenti. Però ż-żewġ karrieri jtuni ħafna sodisfazzjon,” kompliet tgħid hi waqt li żvelat li se tkun qed toħroġ vidjow mużikali ġdid fil-bidu tas-sena l-ġdida.

“Għalissa ma nistax nagħti wisq dettalji iżda din se tkun kanzunetta li titratta esperjenza personali li għaddejt minna,” temmet tgħidilna.

Awguri Claudia biex tkompli tirnexxi fiż-żewġ karrieri tiegħek.