Ħobż tal-qarabagħli u l-ġewż

Ingredjenti

260g dqiq

nofs kuċċarina melħ

kuċċarina u nofs baking powder

2  kuċċarini kannella

2 bajdiet

85g żejt veġetali

190g zokkor

2 kuċċarini estratt tal-vanilla

150g qarabagħli maħkuk

120g ġewż imqatta’ biċċiet

Metodu

Saħħan il-forn għal 165˚Ċ/325˚F . Idlek landa tal-kejk u roxx bid-dqiq.

Agħrbel f’bieqja d-dqiq, il-melħ, il-baking powder u l-kannella.

F’bieqja oħra ħabbat il-bajd, iż-żejt, il-vanilla u z-zokkor. Żid it-taħlita tad-dqiq u ħawwad tajjeb. Żid il-qarabagħli u l-lewż u ħawwad sakemm tara li jkunu tħalltu tajjeb. Ferragħ t-taħlita fil-landa tal-kejk.

Aħmi għal bejn 40-60 minuta sakemm meta ddaħħal sikkina fin-nofs toħroġ nadifa. Oħrog mill-forn u ħalli jiksaħ tajjeb.

Aqsmu biss meta jkun kesaħ għal kollox.