Ħanut jieħu n-nar f’Santa Venera

Luke Zerafa

Ħanut tal-laħam ħa n-nar kmieni dalgħodu f’Santa Venera.

Kelliem għall-Pulizija kkonferma ma’ Newsbook.com.mt li l-inċident seħħ fi Triq Misraħ il-Barrani għall-ħabta tal-5am. Fuq il-post issejħu l-ħaddiema tal-Protezzjoni Ċivili sabiex jikkontrollaw in-nirien.

L-investigazzjonijiet tal-Pulizija għadhom għaddejjin, iżda jidher li hemm ċans li n-nirien bdew minħabba xi ħsarat fl-elettriku.

Ħadd ma ndarab kawża ta’ dan l-inċident.