Hampers lir-residenti tad-Dar tal-Providenza mill-komunità Ahmadiyya

Ahmadiyya community dar tal-providenza
Dar tal-Providenza

Read in English.

Rappreżentanti tal-Komunità Ahmadiyya Musulmana f’Malta żaru d-Dar tal-Providenza fis-Siġġiewi u taw hampers lir-residenti u membri tal-istaff tad-Dar fl-okkażjoni tal-Jum Internazzjonali tal-Persuni b’Diżabilità u tal-istaġun tal-festi li dalwaqt magħna.

L-Imam Laiq Ahmed Atif, il-President tal-Komunità Ahmadiyya Musulmana f’Malta, flimkien ma’ Haroon Ahmad Khan, mexxej taż-żgħażagħ, ippreżentaw il-hampers lil Nadine Camilleri Cassano, Amministratur tad-Dar tal-Providenza.

“Aħna nemmnu li l-qadi fil-komunità huwa kawża nobbli. Il-qadi fil-komunità huwa fih innifsu forma ta’ qima lil Alla l-Ħanin,” qal Laiq Ahmed Atif.

F’isem ir-residenti tad-Dar, Camilleri Cassano irringrazzjat lill-Komunità għal dan il-ġest sabiħ ta’ solidarjetà. Għarrfithom ukoll dwar is-servizzi li d-Dar tipprovdi fir-residenza f’sena li kienet u għadha tassew diffiċli minħabba l-pandemija Covid-19.