Ġuri stupru: Il-ġurati jiddeliberaw; illejla mistenni l-verdett

Read in English.

Il-verdett fil-konfront taż-żewġt irġiel akkużati li ħatfu u stupraw mara Taljana mistenni jiġi fi tmiemu llejla.

AQRA: Ġuri dwar stupru; jinstema’ fil-magħluq

Il-ġurati bħalissa jinsabu għaddejjin jiddeliberaw u mistennija jagħtu l-verdett tagħhom llejla.

Il-ġuri qed isir bil-bibien magħluqa. Il-ġurati semgħu x-xhieda fil-konfront ta’ Seydon Bandango mill-Burkina Faso u Emmanuel Ngumezi minn Niġerja.

Il-każ seħħ f’Lulju 2016. Hi kienet maħtufa mill-bajja ta’ San Ġorġ u sfat stuprata f’Pembroke.

AQRA: Aġġornata: ​Tnejn arrestati wara li ħatfu mara u stuprawha f’Pembroke

L-avukati Anne Marie Cutajar u Nadia Attard li qed jidhru f’isem l-Uffiċċju tal-Avukat Ġenerali qed imexxu l-prosekuzzjoni.

Għall-akkużati qed jidhru l-avukati tal-għajnuna legali Charmaine Cherrett u Simon Micallef Stafrace.

L-avukat Arthur Azzopardi qed jidher għall-vittma.

L-Ispetturi Trevor Micallef u Elton Taliana mexxew l-investigazzjoni.

Il-ġuri għaddej quddiem l-Imħallef Giovanni Grixti.