Gingerbread Men

Ritratt: Tanya Zammit

Riċetta u ritratti: Tanya Zammit

Ingredjenti

350g dqiq

1 kuċċarina kannella mitħuna

1 kuċċarina ġinġer mitħun

1 kuċċarina bikarbonat tas-soda

125g butir

175g zokkor ismar

1 bajda

4 imgħaref golden syrup

Metodu

Saħħan il-forn għal 180˚Ċ.

Agħrbel flimkien id-dqiq, il-bikarbonat tas-soda, il-ġinġer u l-kannella.

Ferragħ t-taħlita ġo food processor, żid il-butir u ħawwad sakemm it-taħlita tidher qisha frak tal-ħobż. Ħawwad iz-zokkor.

Ħabbat ħafif flimkien il-bajda u l-golden syrup u żid mat-taħlita u ħawwad.

Neħħi t-taħlita mill-blender u għaqqad l-għaġina, geżwer fil-clingfilm u daħħal fil-friġġ għal 15-il minuta.

Iksi l-landa tal-forn bil-karta strazza. 

Ifrex l-għaġina u aqta’ l-ginger men bil-cookie cutter, qiegħed fuq il-landa tal-forn u ħalli l-ispazju bejniethom.

Aħmi għal 8 minuti, oħroġhom mill-forn u ħalli jiksaħ għal 10 minuti qabel ma żżejjen.

Ritratt: Tanya Zammit