60 donatur tad-demm f’jum wieħed f’Għawdex

Is-Servizz Nazzjonali tat-Trasfużjioni tad-Demm jixtieq jirringrazzja lil dawk is-60 donatur li nhar il-Ħadd li għadda resqu biex jagħtu d-demm.

Wara dan in-numru tajjeb ħafna ta’ donazzjonijiet, s-Servizz Nazzjonali tat-Trasfużjoni tad-Demm ikompli jħeġġeġ iktar Għawdxin biex it-Tlieta 28  ta’ Lulju jersqu u jagħmlu dan il-ġest t’altruiżmu għall-benefiċċju ta’ dawk li bħalissa qed jieħdu l-kura fl-isptarijiet ta’ Malta u Għawdex.

Bħas-soltu, l-għoti tad-demm fil-Berġa tax-Xewkija fil-jum tat-Tlieta jkun mis-1:00pm sal-5:00pm.

Huwa ferm importanti li dawk li ser jersqu biex jagħtu d-demm iridu jippreżentaw l-karta tal-identità, jew il-liċenzja tas-sewqan inkella passaport Malti, u possibbilment iħajjru lil ħaddieħor jagħti d-demm ukoll.

Noti importanti: 

Bħala prevenzjoni tat-tixrid tal-corona virus, għadhom qed jittieħdu miżuri ta’ mitigazzjoni biex ikun protett kulmin jersaq biex jagħti d-demm, kif ukoll il-professjonisti tas-Servizz. 

Dan it-tagħrif twassal min-National Blood Transfusion Centre.