Għawwiem imut wara li nstab f’diffikultà f’Kemmuna

Aġġornat 08:11 AM

Read in English.

Raġel miet wara li nstab f’diffikultà f’Kemmuna. L-inċident seħħ qrib l-irdumijiet u l-għerien fl-inħawi tal-bajja ta’ Santa Marija. Ir-raġel ingħata l-ewwel għajnuna minn membri tal-ERRC li kienu għassa mal-bajja.

Il-Pulizija fi stqarrija qalu li r-raġel għandu 42 sena u residenti San Pawl il-Baħar.

L-inċident seħħ għall-ħabta tat-3pm.

Kelliem għall-Pulizija kkonferma li r-raġel ġie trasferit lejn Għawdex fejn ambulanza assisstiet lir-raġel fil-Port tal-Imġarr. Aktar tard huwa ġie kkonfermat mejjet fuq il-post mit-tabib tal-isptar.

Bil-każ infetħet inkjesta mmexxija mill-Maġistrat Bridgette Sultana li ħatret diversi esperti biex jassistuha.