Għandi ninkwieta jekk fil-blokka fejn ngħix ikun hemm persuna infettata?

Dr Tanya Melillo, konsulent fil-mediċina pubblika fi ħdan it-Taqsima tal-Mard Infettiv spjegat li persuna infettata u l-familja tiegħu ma jkunux jistgħu joħorġu mill-appartament għax ikunu kwarantina.

Waqt Newsbook Q&A, Dr Melillo qalet li “dawn in-nies ma jistgħux joħorġu u jidħlu fil-blokka xħin iridu, ma jistgħux jużaw il-lift eċċ”. Żiedet tgħid li madanakollu jekk inti jkollok bżonn tuża l-lift, dejjem trid taħsel idejk sewwa wara, jew aħjar iżżomm wipes jew hand sanitizer fuqek, biex malli toħroġ mil-lift timsaħ idejk.

Il-konsulent irrimarkat li dan għandu jsir fil-post tax-xogħol ukoll, f’supermarket meta tmiss it-trolley jew tiġbor il-flus.

Għandek bżonn l-għajnuna? Ara fuq liema numri tista’ ċċempel

  • 111 – Għal dawk li jħossu sintomi tal-COVID-19 jew jixtiequ iktar informazzjoni
  • 21411 411 – Għal dawk fi kwarantina mandatorja li għandhom bżonn provvista ta’ ikel u mediċinali
  • 2294 4511/2294 4504 – Biex tirrapporta lill-pulizija każi ta’ ksur tar-regolamenti dwar saħħa pubblika u l-Covid-19
  • 1772 – Għal dawk li jħossuhom waħedhom
  • 1575 – Għall-ħaddiema biex jistaqsu dwar pagi u kundizzjonijiet ta’ xogħol
  • 1576 – Għal min iħaddem biex jistaqsu dwar pagi u kundizzjonijiet ta’ xogħol
  • 153 – Għal dawk li jridu tagħrif dwar il-miżuri fil-pakkett finanzjarju li qed jiġu amministrati mid-Dipartiment tas-Sigurtà Soċjali
  • 144 – Għal dawk li jridu tagħrif dwar il-miżuri fil-pakkett finanzjarju li qed jiġu amministrati mill-Malta Enterprise
  • 2204 2200 – Għar-residenti Maltin li nqabdu f’pajjiż ieħor u jridu jiġu lura Malta
  • 2598 1000 – Għal dawk li għandhom domandi dwar is-settur edukattiv
  • 2169 2447– Għal lukandiera u turisti li għandhom domandi dwar il-miżuri mħabbra
  • 2590 3030 – Għall-anzjani mingħajr sapport li għandhom bżonn mediċini, ikliet lesti jew prodotti tal-ikel (frott u ħaxix)
  • 2546 9111 – Għal dawk li jaħdmu fl-industrija tal-gaming

Rappurtaġġ addizzjonali: Liz Cutajar

Jekk tixtieq tkun minn tal-ewwel li tirċievi l-aħħar aħbarijiet dwar il-coronavirus f’Malta, niżżel l-APP ta’ Newsbook minn hawn