Għandi nibża’ nuża l-karozza tal-linja?

Dr Tanya Melillo, Konsulent tal-Mediċina Pubblika appellat lill-pubbliku biex kemm jista’ jkun min ikollu bżonn juża tal-linja jipprova jevita r-rush hour ħalli jiltaqa’ mal-inqas nies possibbli.

Waqt Newsbook Q&A, Dr Melillo spjegat kif idealment fuq tal-linja kulħadd ipoġġi għalih. Saħqet dwar l-importanza li malli wieħed jinżel minn fuq tal-linja jaħsel idejh, juża hand sanitiser jew wipes.

“Wieħed jista’ jirranġa ma’ min iħaddmu biex forsi jidħol siegħa qabel jew siegħa wara biex jevita l-folol”, kompliet tgħid Melillo. Irrimarkat ukoll biex fejn possibbli jinfetħu t-twieqi.

Il-bdiewa li għandhom iktar minn 65 sena jistgħu jmorru jitimgħu l-annimali?

Dr Melillo ċċarat li ħarġu struzzjonijiet li l-bdiewa u min għandu l-annimali x’jitma’ jista’ joħroġ, iżda biex kemm jista’ jkun joħorġu waħedhom jew ma’ xi membru tal-familja li jgħix fl-istess dar. Saħqet li l-frott u l-ħaxix huwa essenzjali f’dan iż-żmien.

Għandek bżonn l-għajnuna? Ara fuq liema numri tista’ ċċempel

  • 111 – Għal dawk li jħossu sintomi tal-COVID-19 jew jixtiequ iktar informazzjoni
  • 21411 411 – Għal dawk fi kwarantina mandatorja li għandhom bżonn provvista ta’ ikel u mediċinali
  • 2294 4511/2294 4504 – Biex tirrapporta lill-pulizija każi ta’ ksur tar-regolamenti dwar saħħa pubblika u l-Covid-19
  • 1772 – Għal dawk li jħossuhom waħedhom
  • 1575 – Għall-ħaddiema biex jistaqsu dwar pagi u kundizzjonijiet ta’ xogħol
  • 1576 – Għal min iħaddem biex jistaqsu dwar pagi u kundizzjonijiet ta’ xogħol
  • 153 – Għal dawk li jridu tagħrif dwar il-miżuri fil-pakkett finanzjarju li qed jiġu amministrati mid-Dipartiment tas-Sigurtà Soċjali
  • 144 – Għal dawk li jridu tagħrif dwar il-miżuri fil-pakkett finanzjarju li qed jiġu amministrati mill-Malta Enterprise
  • 2204 2200 – Għar-residenti Maltin li nqabdu f’pajjiż ieħor u jridu jiġu lura Malta
  • 2598 1000 – Għal dawk li għandhom domandi dwar is-settur edukattiv
  • 2169 2447– Għal lukandiera u turisti li għandhom domandi dwar il-miżuri mħabbra
  • 2590 3030 – Għall-anzjani mingħajr sapport li għandhom bżonn mediċini, ikliet lesti jew prodotti tal-ikel (frott u ħaxix)
  • 2546 9111 – Għal dawk li jaħdmu fl-industrija tal-gaming

Jekk tixtieq tkun minn tal-ewwel li tirċievi l-aħħar aħbarijiet dwar il-coronavirus f’Malta, niżżel l-APP ta’ Newsbook minn hawn