Ftehim dwar iż-żoni industrijali tax-Xewkija u Ta’ Dbieġi

MGOZ: Terry Camilleri

Read in English.

Sar ftehim ġdid bejn il-Malta Industrial Parks (MIP) u l-Ministeru għal Għawdex, biex it-tindif u l-manutenzjoni fiż-Żona Industrijali tax-Xewkija u Ta’ Dbieġi jaqgħu taħt ir-responsabbilta tal-Ministeru għal Għawdex.  Madanakollu, l-MIP se tibqa’ responsabbli għall-investiment kapitali u proġetti ewlenin fiż-żoni industrijali.

Il-ftehim ġie ffirmat fil-preżenza tal-Ministru għall-Ekonomija Chris Cardona u l-Ministru għal Għawdex Justyne Caruana.

Il-Ministru Caruana qalet li dan huwa wkoll l-ewwel eżerċizzju ta’ afforestazzjoni f’żona industrijali f’Għawdex fejn inħolqu spazji miftuħa biex jitgawdew mill-familji. Żiedet tgħid li l-ħidma għandha tkompli fil-ġimgħat u x-xhur li ġejjin, hekk kif qed jiġu ppjanati xogħlijiet fit-toroq tal-istess żona biex titjieb l-aċċessibbiltà.