Froġa bil-mili tal-faqqiegħ u spinaċi

Ingredjenti

3 bajdiet

butir

75g faqqiegħ isslajsjat

nofs ras ta’ tewma mgħaffġa

ftit weraq tal-ispinaċi

Metodu

Saħħan il-butir u sajjar il-faqqiegħ sakemm dan jirtab u jbiddel il-kulur.

Żid it-tewma u sajjar għal 1 minuta.

Żid il-weraq tal-ispinaċi u sajjar sakemm tara li saru. Żid il-melħ u l-bżar.

Sajjar il-froġa u meta tara li saret poġġi t-taħlita tal-ispinaċi fin-nofs u aqleb nofs fuq ieħor. Kompli saħħan għal minuta oħra qabel isservi.