Filmat: Kliem Bjorn hekk kif ħareġ mill-isptar

Wara ħmistax-il ġurnata, Bjorn kellem lill-Maltin biex jinfurmahhom li llum ħareġ mill-isptar.

Huwa spjega li għal 10 t’ijiem li jmiss, hu u martu ser ikunu qed jgħixu fl-uffiċċju ta’ DAR Bjorn biex ilaħħqu max-xogħol b’lura u jagħtu spinta b’saħħitha għal programm ta’ Xarabank Newer Bigger DAR Bjorn, maratona ta’ ġbir ta’ fondi biex jitkompla l-proġett ta’ DAR Bjorn.

Dan wara li kien daħal l-isptar biex issirlu l-iktar operazzjoni diffiċli s’issa, biex itejjeb in-nifs tiegħu filwaqt li jestendi ħajtu u jkun jista’ jaqsam aktar mumenti ma’ martu Maria u dawk kollha li huma qrib tiegħu.

Għall-proġett ta’ DAR Bjorn, tista’ tibgħat SMS fuq 50618936 – € 6.99 jew inkella ċċempel fuq 79209420 għal donazzjonijiet oħra waqt Xarabank.