Filmat: “Sejħuli Franġisku” – film dwar il-Papa tal-Poplu

Għada l-Ħadd 10 ta’ Jannar l-istazzjon Canale 5 se jkun qed jiddedika serata sħiħa għal Papa Franġisku.

Is-serata se tiftaħ fid-8.40pm bil-programm Il Mondo Che Vorrei! Parla Papa Francesco, intervista esklussiva li saritlu minn TG5.

Fl-9.45pm imbagħad mistenni jixxandar il-film “Chiamatemi Francesco – Il Papa della Gente” li jirrakkonta l-istorja personali u spiritwali ta’ Jorge Mario Bergoglio, imwieled minn immigranti Taljani fl-Arġentina.

Il-film jirrakkonta dwar iż-żgħożija tiegħu, il-vokazzjoni tiegħu u l-formazzjoni tiegħu, sal-ħatra tiegħu bħala Papa fl-2013.

Fil-film, b’direzzjoni ta’  Daniele Luchetti jieħdu sehem Rodrigo De la Serna, Sergio Hernández, Alex Brendemühl, u Mercedes Morán.

Sergio Hernandez bħala Franġisku fil-film Chiamatemi Francesco. Ritratt: Medusa / Uffiċju stampa Mediaset

Wara l-film imbagħad jixxandar programm ieħor speċjali mtella’ minn TG5.

Nota: Il-filmat f’dan il-paġna huwa t-trailer tal-istess film meta kien inħareġ fiċ-ċinema fl-Italja f’Diċembru tal-2015.