Filmat: Mewġa ta’ tajn toqtol 160 persuna f’Myanmar

Filmat: Zaw Moe Htet – ဖားကန္႔ သတင္း

Minn tal-inqas 160 persuna mietu f’minjiera tal-ħaġar fin-naħa ta’ fuq ta’ Myanmar wara li mewġa ta’ tajn telgħet sa din il-minjiera.

Din il-mewġa ġiet ikkawżata minħabba xita qawwija li kaxkret dak kollu li sabet quddiemha.

Myanmar huwa pajjiż li jinsab fil-Punent tal-Bangladesh.

Il-minjiera tal-ħaġar f’Myanmar hija l-ikbar waħda fid-dinja. Sfortunatament mas-snin kien hemm diversi inċidenti li ħallew numru kbir ta’ nies mejta.

L-uffiċjali tal-pajjiż qalu li nstabu 162 persuna mingħajr ħajja u 54 persuna midruba filwaqt li n-numru ta’ nies mitlufa għadu mhux magħruf.

Il-Pulizija qalet li diversi persuni wissew lill-ħaddiema biex ma jmorrux għax-xogħol wara x-xita qalila u dan seta’ salva numru kbir ta’ persuni li semgħu minn din it-twissija.

Il-Filmat juri l-mument li l-mewġa ta’ tajn telgħet lejn il-minjiera tal-ħaġar.