Filmat: L-istaġun tal-festi jiftaħ b’purċissjoni bil-karozzi

L-istaġun tal-festi llum fetaħ b’dehra kemxejn differenti minn tas-soltu, minħabba l-liġijiet ta’ tbegħid soċjali fis-seħħ għall-kontroll tal-imxija tal-coronavirus. Iil-pandemija ma rnexxilhiex twaqqaf lil bosta Maltin milli jsibu mod kif jiċċelebraw xorta waħda.

Il-festa ta’ San Ġorġ illum ġiet iċċelebrata b’modi differenti. Mod li ċertament spikka fit-toroq Maltin kien il-purċissjoni li saret bl-istatwa ġo karozza ddur it-toroq, b’għadd ta’ karozzi jduru warajha.

Ma naqasx id-daqq u l-briju sinonimi mal-festi Maltin.

Viva Gorgi 🔥🔥🔥🔥🔥

Posted by Busu Jas on Thursday, April 23, 2020

Din il-purċissjoni kienet l-aħħar ħaġa fil-lista t’affarijiet li l-Maltin tgħallmu jagħmlu b’mod differenti, peress li wħud saru anke jitolbu u jiċċelebraw flimkien mingħajr ma jkunu viċin ħafna ta’ xulxin. Dan l-avveniment partikolari kien organizzat mill-Għaqda Mużikali San Ġorġ Martri.

Jekk tixtieq tkun minn tal-ewwel li tirċievi l-aħħar aħbarijiet dwar il-coronavirus f’Malta, niżżel l-APP ta’ Newsbook minn hawn