Filmat: Jinġabru €32,441 għad-Dar tal-Providenza fil-maratona tal-103

Fil-maratona ta’ 30 siegħa tal-istazzjon 103 Malta’s Heart, inġabru €32,441. Il-flus li nġabru qabżu sew is-somma tas-sena li għaddiet, li kienet €12,710.

Il-maratona kienet ippreżentata minn Arthur Caruana flimkien ma’ Ron Briffa, Ian Busuttil Naudi u Jes Saliba.

F’intervista ma’ Fr Joe Borg ftit wara li ntlaħqet is-somma rekord, Arthur qal li ma kinux qed jistennew li se jaqbżu s-somma tas-sena li għaddiet b’daqshekk. Il-preżentaturi kollha wrew sodisfazzjon kbir b’dan is-suċċess b’risq ir-residenti tad-Dar tal-Providenza.

Aktar dettalji

Filmat: Jinġabru €23,000 għad-Dar tal-Providenza; fadal siegħa

Ikkontribwew diversi nies, uħud b’messaġġi u appelli għad-donazzjonijiet, oħrajn b’divertiment.

Fosthom kien hemm l-Arċisqof Charles Scicluna, l-Isqof t’Għawdex Anton Teuma, l-Isqof Awżiljarju Joseph Galea Curmi, Fr Martin Micallef li jmexxi d-Dar tal-Providenza, u s-Supretendent tas-Saħħa Pubblika Prof. Charmaine Gauci.

L-appell ta’ Prof. Gauci

“Li tgħin lid-Dar tal-Providenza hu l-aqwa att ta’ mħabba li tista’ tagħmel” – Prof. Gauci

L-appell tal-Isqof Teuma

Filmat: Li tgħin lil ħaddieħor tkun qiegħed tgħin lilek innifsek – L-Isqof Teuma

Għadek tista’ tgħin…

• Ċempel fuq 5160 2012 biex tagħti donazzjoni ta’ €10 (VO 1066)
• Ċempel fuq 5180 2014 biex tagħti donazzjoni ta’ €25 (VO 1066)
• Ibgħat SMS fuq 5061 8922 biex tagħti donazzjoni ta’ €7 (VO 1066)

Lil min tkun qed tgħin?

Filmat: Manuel jaf li meta jiġi nieqes hemm id-Dar tal-Providenza tgħin lil ibnu