Filmat: Infermiera l-ewwel persuna li tieħu l-vaċċin tal-Covid-19 f’Għawdex

Read in English.

Dalgħodu ngħata l-vaċċin kontra l-Covid-19 għall-ewwel darba f’Għawdex. Ingħata lil Felicienne Cini, infermiera fl-Isptar Ġenerali t’Għawdex.

Preżenti kien hemm il-Prim Ministru Robert Abela, id-Deputat Prim Ministru u Ministru għas-Saħħa Chris Fearne, u l-Ministru għal Għawdex Clint Camilleri.

1 minn 4

L-infermiera tappella biex kulħadd jieħu l-vaċċin

Fil-kummenti tagħha wara li ħadet il-vaċċin, Felicienne Cini qalet li ħassitha onorata li kienet l-ewwel persuna li ħaditu f’Għawdex. Appellat lil kulħadd biex jieħu t-tilqima sabiex tinqered il-pandemija.

Stqarret li dawn l-aħħar xhur kienu differenti mis-soltu, imma ħadmu id f’id u xorta baqgħu jagħtu l-100% lill-pazjenti.

Dan wara li jumejn ilu, il-vaċċin beda jingħata f’Malta. L-ewwel persuna li ħaditu Malta kienet Rachel Grech, infermiera fl-Isptar Mater Dei.

L-ewwel persuna li ħadet il-vaċċin f’Malta

Filmat: “Ridt nagħti messaġġ lill-Maltin biex jiħduh” – L-ewwel persuna li ħadet il-vaċċin