Filmat: Fabrizio u Ron iferrħu lir-residenti tal-Kalkara

Posted by Wayne Aquilina – Sindku tal-Kalkara on Sunday, April 19, 2020

Dalgħodu Fabrizio Faniello u Ron Briffa żaru lir-residenti tal-Kalkara biex iferrħuhom fi żminijiet fejn il-poplu Malti qed jintalab jibqa’ d-dar minħabba l-pandemija tal-coronavirus.

Is-Sindku tal-Kalkara Wayne Aquilina (PL) tella’ filmat tal-attività fuq Facebook.

Ilbieraħ iż-żewġ personalitajiet kienu f’Ta’ Ġiorni f’San Ġiljan.

Il-Viċi Sindku ta’ San Ġiljan Clayton Luke Mula (PN) kiteb fuq Facebook li lbieraħ il-kantant Fabrizio Faniello u l-preżentatur Ronald Briffa żaru ż-żona Ta’ Ġiorni f’San Ġiljan. Spjega li din kienet inizjattiva ta’ ALS Malta, l-Assoċjazzjoni Maltija tal-Futbol (MFA), u Team.MT.  

“Grazzi ta’ din l-inizjattiva u grazzi lir-residenti li pparteċipaw billi mill-gallariji tagħhom xejru l-bnadar Maltin, ċapċpu u anke kantaw mal-mużika,” qal Mula.

Dalgħodu fuq inizjattiva ta' ALS Malta, Malta Football Association – 1900 u Team.MT fiż-żona ta' Ta' Ġiorni f'San Ġiljan…

Posted by Clayton Luke Mula on Saturday, April 18, 2020

Jekk tixtieq tkun minn tal-ewwel li tirċievi l-aħħar aħbarijiet dwar il-coronavirus f’Malta, niżżel l-APP ta’ Newsbook minn hawn