Filmat: Aidan Tanti, Tara Abdilla jieħdu l-unuri tal-Eurosport BSJ 5k Road Running Series

L-edizzjoni tal-2020 tal-Eurosport BSJ 5k Road Running Series intemmet aktar kmieni din il-ġimgħa, meta t-tielet u l-aħħar tellieqa tas-serje saret fuq il-Bypass tal-Mtarfa.

It-tielet u l-aħħar tellieqa rat ir-ritorn ta’Andrew Grech, wara nuqqas ta’ ħames xhur. Grech ħa vantaġġ komdu b’numru ta’atletli warajh. Hekk kif l-ewwel dawra tlestiet, Grech xorta żamm il-vantaġġ, b’Matthew Cutajar u Matthew Xuereb warajh. B’din il-pożizzjoni miżmuma għal ħafna mit-tellieqa, ħafna bassru li dawn it-tlieta kienu ser jiffurmaw l-podju finali.

Iżda kien hemm żewġ sorpriżi, meta lejn it-tmiem Xuereb qabeż lil Cutajar biex jgħaddih u jieħu t-tieni post. Bil-linja finali quddiemu, Alan Camilleri, li wkoll kien ilu nieqes mit-tlielaq għal ftit żmien u li għal ħafna mit-tellieqa kien sew wara Xuereb u Cutajar, bil-mod il-mod qabeż lil Cutajar u lil Mark Pace biex jipprovdi l-ikbar sorpriża tal-ġurnata. Camilleri ħa t-tielet post, mistħoqq, fuq il-podju.

Ma kienx hemm sorpriżi fil-kategorija Nisa. Tara Abdilla temmet it-tellieqa fl-ewwel post, b’Francesca Arrigo u Carmen Hili jieħdu posthom, għal darb’oħra fuq il-podju fit-tieni u t-tielet post rispettivament.

Klassifika Finali

Il-Klassifikazzjoni Ġeneral hija bbażata fuq ir-riżultati rreġistrati fit-tlielaq kollha. Aidan Tanti, li rebaħ l-ewwel tellieqa tas-Serje, kien ir-rebbieħ ġenerali tas-Serje, segwit minn Imed Ben Moussa. Dawn iż-żewġ atleti prattikament tellqu flimkien matul il-kampjonat u ftit sekondi kienu jifirduhom fil-linja finali. Fit-tielet post kien George Vella. Fil-Kategorija tan-Nisa, Tara Abdilla żammet it-titlu tas-Serje mis-sena l-oħra. Abdilla marret tajjeb ħafna matul is-serje, fejn irreġistrta ħinijiet imtejba f’kull tellieqa. Francesca Arrigo, li ħadet it-tieni post ukoll irreġistrat ħinijiet imtejba matul is-serje filwaqt li l-veterana Carmen Hili rreġistrat prestazzjoni konsistenti.

Il-preżentazzjonijiet, b’konformità mal-protokolli tad-distanza soċjali saru fi tmiem it-tellieqa. It-trofej ġew ippreżentati lir-rebbieħa mill-Uffiċjali tal-Klabb Joseph Farrugia u Maria Vella-Galea. Daniel Mangion kien ir-rebbieħ tal-arlogg GPS Coros Multisport, mogħti b’korteżija minn ‘Coros Malta. Dan l-arloġġ ġie mtellgħa fost dawk l-atleti li ħadu sehem fit-tlielaq kollha.

“Birkirkara St Joseph jinsab sodisfatt bir-riżultat tas-Serje ta’ din is-sena li nżammu fi żminijiet ta’ sfida. Aħna grati għall-kooperazzjoni murija mill-atleti. Din is-sena hija sena speċjali għall-Klabb li qed jiċċelebra l-45 sena mill-bidu tiegħu,”spjega Euchar Camilleri, Segretarju Ġenerali, Birkirkara St Joseph Sports Club. “L-impenji atletiċi li jmiss tal-Klabb huma l-Eurosport Malta Challenge Marathon (27-28-29 ta ‘Novembru) u l-Eurosport Fleur De Lys Races fit-13 ta’ Diċembru. Nisperaw li minkejja s-sitwazzjoni preżenti tal-Covid-19, dawn it-tlielaq ikunu jistgħu jsiru.

Eurosport BSJ 5k Road Running Series – Rizultati tat-tielet tellieqa

 IrġielNisa
1stAndrew Grech (15:45)Tara Abdilla (18:06)
2ndMatthew Xuereb (16:27)Francesca Arrigo (19:15)
3rdAlan Camilleri (16:32)Carmen Hili (19:51)

Eurosport BSJ 5k Road Running Series – Klassifika Finali

 IrġielNisa
1stAidan TantiTara Abdilla
2ndImed Ben MoussaFrancesca Arrigo
3rdGeorge VellaCarmen Hili

Dan it-tagħrif twassal minn emvigee pr & marketing.