Aġġornata: Casa jirrapporta lill-Pulizija; Scicluna jgħid li kien żball

David Casa Edward Scicluna Pulizija

David Casa għamel rapport għand il-Pulizija dwar like li l-Ministru Edward Scicluna għamel fuq kumment fuq il-midja soċjali li jsejjaħ għall-qtil tal-Ewroparlamentari David Casa. Scicluna qal li dan kien biss żball.

Il-Ministru lbieraħ qal li l-aġir ta’ Casa fil-konfront ta’ dan il-kumment hu “patetiku.” Huwa qal li dan kien żball li seta’ jiġi kkoreġut b’telefonata.

Trid tkun patetiku jew fi stat ta’ paniku biex tahseb li qatt ser nasal biex nixtieq id-deni lil xi hadd. Telefonata jew…

Posted by Edward Scicluna on Thursday, August 16, 2018

Casa kien assistit mill-Memru Parlamentari Nazzjonalista Jason Azzopardi, li staqsa kif Malta rnexxielha tasal s’hawn.

Il-kumment kien jgħid li jispera li Casa “jieħu dak li ħaqqu” u li “għandu bżonn il-forka”. Il-kumment sar taħt post fuq il-paġna uffiċjali tal-Ministru għall-Finanzi Edward Scicluna dwar ir-ratings li rċeviet Malta minn aġenziji internazzjonali.

Newsbook.com.mt bagħat xi mistoqsijiet lill-Ministru Scicluna, iżda dawn għadhom ma twiġbux.