Filmat: Lockdown għall-persuni 65+ u nies b’mard kroniku

Read in English.

Deputy Prime Minister and Minister for Health Chris Fearne addresses a press conference

Deputy Prime Minister and Minister for Health Chris Fearne addresses a press conference

Posted by MaltaGov on Thursday, 26 March 2020

Il-persuni kollha li għandhom aktar minn 65 sena se jkunu fuq lockdown. Il-lockdown japplika wkoll għal nies b’mard kroniku. Nies li jgħixu ma’ dawn il-persuni jridu jmorru fuq lockdown jew jibdew jgħixu x’imkien ieħor.

Il-Ministru għas-Saħħa Chris Fearne ħabbar dan f’konferenza tal-aħbarijiet. Din il-miżura ta’ lockdown se tkun qed taffettwa madwar 118,000 persuna.

Fearne qal li s-sitwazzjoni tal-COVID-19 f’Malta għadha fi stadju bikri.

Punti Ewlenin

  • Ma jistax ikun hemm aktar minn 5 persuni flimkien fil-pubbliku
  • Lockdown għall-persuni 65+
  • Lockdown għal dawk b’mard kroniku
  • Malta qed tidħol fil-fażi ta’ trażmissjoni li tkun l-aktar lokalment
  • S’issa hemm 11-il sodda fl-ITU f’Għawdex
  • S’issa hemm 31 sodda oħra għall-pazjenti oħra tal-COVID-19
  • “Ma nistgħux noqgħodu fuq riżultat ta’ gurnata waħda biss” – Fearne

Il-miżuri ta’ lockdown għaż-żewġ kategoriji jidħu fis-seħħ mis-Sibt filgħodu.

Il-lockdown għal min japplika?

Hemm żewġ kategoriji ta’ nies li se jkunu f’lockdown. Hemm dawk li għandhom aktar minn 65 sena u dawk in-nies kollha b’mard kroniku u nisa tqal.

X’tip ta’ mard kroniku semma’ Fearne?

  • Nies dijabetiċi li qed jieħdu l-insulina
  • Persuni li jieħdu biologicals
  • Dawk li kellhom il-kanċer u li kienu qed jieħdu l-kimoterapija
  • Dawk li kellhom mard respiratorju li daħħalhom l-isptar fl-aħħar sena
  • Persuni immunosupressed
  • Persuni fuq dialysis
  • Persuni b’mard tal-qalb li kellhom intervent kirurġiku fl-aħħar sitt xhur
  • Pazjenti tal-heart failure clinic
  • Persuni fuq oral steroids

Coronavirus Malta 26.03.20

Dawn il-persuni li jbatu minn mard kroniku se jkunu qed jirċievu ittra d-dar. Dawk li għandhom aktar minn 65 mhux se jkunu qed jirċievu ittra d-dar.

Il-lockdown japplika wkoll għan-nisa tqal kollha.

Tobba li jkollhom aktar minn 65 sena jistgħu jitolbu permess mis-Supretendent għas-Saħħa Pubblika biex jibqgħu jaħdmu. Jekk ma jkunux jixtiequ jaħdmu, mhux se jiġu sfurzati jagħmlu dan.

Fearne qal li lbieraħ saru 400 test għall-coronavirus.

Fearne qal li l-isptar San Luqa għadu ‘l bogħod milli jkun jista’ jilqa’ fih pazjenti tal-COVID-19.

L-aġġudikazzjoni għall-isptar il-ġdid pre-fabricated twaqqaf wara l-allegazzjonijiet li saru mill-MP tal-PN Jason Azzopardi. Il-Ministru għas-Saħħa Chris Fearne talab biex il-proċess jiġi sospiż biex jassigura li ma kienx hemm aġir ħażin.

Fi stqarrija d-Dipartiment tal-Informazzjoni qal li Fearne se jkun qed jindirizza konferenza tal-aħbarijiet fil-5.30pm. Ma ntqalx x’se jkun is-suġġett.

Mhux eskluż li f’din il-konferenza se jitħabbru miżuri ristrettivi oħra fid-dawl tal-iżviluppi fl-imxija tal-coronavirus u wara l-laqgħa tal-kabinett li ssejħet dalgħodu.

Il-konferenza saret fil-bini tal-Ministeru għas-Saħħa.

Attention ⚠️⚠️Important #COVID-19 update #Malta, more restrictive measures:1️⃣No gatherings of more than 5 people…

Posted by Health Promotion and Disease Prevention Directorate on Thursday, 26 March 2020

Dalgħodu saret laqgħa tal-Kabinett fil-Berġa ta’ Kastilja.

Il-kabinett tal-Ministri s-soltu jiltaqa’ kull nhar ta’ Tlieta. Madanakollu bħalissa qed jiltaqa’ aktar frekwenti biex jiddiskuti l-iżviluppi kontinwi fil-kriżi tal-coronavirus. Fost l-oħrajn il-laqgħa ta’ jumejn ilu baqgħet għaddejja sa wara nofsillejl. Skont sorsi, f’din il-laqgħa ġiet diskussa l-għajnuna finanzjarja lin-negozji u l-ħaddiema.

L-istazzjon nazzjonali ddeskriva l-laqgħa tal-lum bħala ‘urġenti’.

X’sirna nafu dalgħodu?

Ġew reġistrati 5 każi ġodda ta’ coronavirus f’Malta. Dan ifisseri li t-total tela’ għal 134 każ.

L-awtoritajiet tas-saħħa ħabru dan waqt konferenza tal-aħbarijiet fuq l-aħħar żviluppi dwar il-coronavirus. S’issa ma kienx hemm imwiet. Hemm żewġ persuni li fiequ.

Is-Supretendent għas-Saħħa Pubblika Charmaine Gauci tat rendikont ta’ fejn qed jinżammu l-pazjenti.

Min qed jinżamm fejn?

  • 1 fl-ITU
  • 14 fl-infectious diseases unit (IDU)
  • 18 f’faċilità privata
  • L-oħrajn qed jinżammu d-dar

Aktar dettalji dalwaqt