Dalgħodu Bartolo jipproponi finanzjament trasparenti

Read in English.

Il-Ministru Evarist Bartolo kompla bil-messaġġi mmirati għal politika aħjar mill-Gvern Laburista, li huwa jifforma parti minnu.

Fil-messaġġ tal-lum fuq Facebook, Bartolo jipproponi finanzjament trasparenti għall-politiċi u l-partiti biex fi kliemu “innaddfu l-politika minn suq ta’ bejgħ u xiri. Spjega li dan biex id-dċeiżjonijiet jittieħdu għall-ġid taċ-ċittadini u mhux fl-interess ta’ min jiflaħ iħallas u jinfluwenza l-iktar.

Huwa ddedika dan il-messaġġ għat-tfal li jitwieldu u jitrabbew f’Malta li qal li għandhom ikunu kburin. Saħaq li huwa dmir tal-politiċi biex f’Malta jkun hawn moralità pubblika b’saħħitha. Stqarr li l-politiċi għandhom jgħixu u jħaddmu l-politika b’mod li juru bil-fatti li qed jaħdmu għal ġid komuni u mhux għall-interessi personali.

Appell għal sistema aħjar ta’ separazzjoni ta’ poteri li jkunu indipendenti minn xulxin.

Bartolo stqarr li fl-aħħar mill-aħħar huma l-bnedmin li jmexxu l-istituzzjonijiet u l-poteri. Fisser li dawn jaħdmu tajjeb skont jekk il-bnedmin ikunux immexxija mill-valuri ta’ onestà, ġustizzja u impenn għall-ġid komuni.

Il-jum it-tajjeb.Naghtu sehemna biex it-tfal li qed jitwieldu u jitrabbew illum jikbru f'Malta li jkunu kburin…

Posted by Evarist Bartolo on Tuesday, December 10, 2019
Il-Ministru Evarist Bartolo kuljum qed jagħmel post fuq Facebook b’pariri ta’ kif il-pajjiż jista’ joħroġ mill-kriżi politika li l-pajjiż intefa’ fiha. Newsbook.com.mt għażel l-aktar 10 importanti.
L-10 kmandamenti ta’ Evarist Bartolo