COVID-19: Il-varjant il-ġdid qed jinfirex b’rata mgħaġġla fl-Ingilterra

DOCTORS AND NURSES OF THE INTENSIVE CARE HOSPITAL, FIGHTING COVID-19 EMERGENCY IN PESARO - ITALY. THEY ARE PORTRAITED AT THE END OF THEIR LONG WORKSHIFT. 12 HOURS WITH NO DRINK AND NO TOILETBREAK, DUE TO THE PROTECTIVE SUIT THEY WEAR. THE SIGNS ON THEIR FACE ARE CAUSED BY THE MASKS THEY HAVE TO WEAR TO PROTECT THEMSELFES FROM COVID VIRUS. IN THE PICTURE: Annalisa Silvestri, Doctor anaesthetic

Esperti xjentifiċi wissew lill-gvern Ingliż dwar il-varjant il-ġdid tal-COVID-19 u li skont huma qed jinfirex b’rata aktar malajr minn varjanti oħra tal-coronavirus.

Aktar kmieni din il-ġimgħa, is-Segretarju għas-Saħħa fl-Ingilterra Matt Hancock qal li nstabu aktar minn 1,000 każ tal-varjant il-ġdid tal-coronavirus fir-Renju Unit.

Instab l-ewwel darba l-ġimgħa li għaddiet f’Kent minn uffiċjali tas-saħħa pubblika.

Jirriżulta li hekk kif din l-aħbar kompliet tiżviluppa l-gvern Ingliż flimkien mal-awtoritajiet tas-saħħa qed jiddiskuti l-pssibilità ta’ kif il-miżuri kontra t-tixrid tal-pandemija jistgħu jiġu aktar msaħħa biex jilqghu għal dan il-varjant ġdid tal-COVID-19.

S’issa l-gvern Ingliż għadu ma ħareġ l-ebda stqarrija.

Is-Segretarju għas-Saħħa fl-Ingilterra Matt Hancock qal li għalissa m’hemm l-ebda evidenza li dan il-varjant il-ġdid mhux se jirrispondi għall-vaċċini kontra l-Covid-19.