Coronavirus: Jiżdiedu 28 pajjiż ieħor fil-lista tal-permess għall-ivjaġġar

Miguela Xuereb

Is-Sovritendenza għas-Saħħa Pubblika żiedet 28 pajjiż ieħor fil-lista ta’ pajjiżi li wieħed jista’ jsiefer lejhom jew jiġi Malta minnhom.

Fil-21 ta’ Marzu 2020 s-Sovritendenza għas-Saħħa Pubblika kienet ordnat li n-nies ma jistgħux isiefru jew jidħlu Malta. Fl-1 ta’ Lulju ġiet ordnata eċċezzjoni għal lista ta’ pajjiżi li issa kibret bi 28 pajjiż ieħor. Din il-lista l-ġdida tidħol fis-seħħ fil-15 ta’ Lulju.

F’Avviż Legali ppubblikat il-Ġimgħa ġie ordnat li dawn il-pajjiżi se jiżdiedu mal-lista ta’ fejn wieħed jista’ jsiefer. Persuni jistgħu wkoll jidħlu Malta jekk ikunu ġejjin minn dawn il-pajjiżi:

  • Ir-Renju Unit
  • Il-Belġju
  • Il-Bulgarija
  • L-Olanda
  • Il-Kanada
  • L-Awstralja
  • New Zealand
  • Il-Korea t’Isfel
  • Andorra
  • Monaco
  • San Marino
  • Iċ-Ċina
  • L-Istat tal-Belt tal-Vatikan
  • Ir-Rwanda
  • L-Urugwaj
  • Is-Slovenja
  • Il-Ġappun
  • Il-Marokk
  • It-Tajlandja
  • It-Tuneżija
  • Il-Portugal
  • Ir-Rumanija
  • Il-Libanu
  • L-Indoneżja
  • L-Emirati Għarab Magħquda
  • It-Turkija
  • Il-Ġordan
  • Il-Liechtenstein

Din id-deċiżjoni ttieħdet minkejja li l-Prim Ministru Robert Abela kien qal li fil-15 ta’ Lulju l-ivjaġġar ikun jista’ jsir lejn kull pajjiż.