Casserole tat-tiġieġ, ġobon u piżelli

Ingredjenti

500g spagetti msajra

3 mgħaref żejt taż-żebbuġa

3 basliet żgħar imqattgħa fin

2 irjus tat-tewm mitħuna

45g dqiq

2 kikkri brodu tat-tiġieġa

¾ ta’ kikkra ħalib

1 kuċċarina sagħtar niexef

¾ ta’ kuċċarina qoxra ta’ lumija maħkuka

nofs kuċċarina melħ

nofs kuċċarina noċemuskata

bżar għat-togħma

500g sider tat-tiġieġ imsajjar maqtugħ kubi

130g piżelli tal-friża

200g ġobon Cheddar maħkuk

90g frak tal-ħobż tal-pakkett

2 mgħaref butir imdewweb

Metodu

Saħħan il-forn għal 180˚Ċ (350˚F)

Sajjar l-ispagetti u għaddi minn passatur.

Saħħan f’taġen iż-żejt u aqli l-basal u t-tewm f’daqqa għal minuta. Żid id-dqiq u sajjar għal minuta waqt li tħawwad il-ħin kollu.

Żid il-brodu, il-ħalib, is-sagħtar, il-qoxra tal-lumija maħkuka, il-bżar, il-melħ u n-noċemuskata. Wara ħawwad it-tiġieġ u l-piżelli mat-taħlita. Saħħan tajjeb u żid l-ispagetti u l-ġobon.

Ittrasferixxi t-taħlita f’dixx tal-forn.

F’bieqja ħawwad flimkien il-butir imdewwed u l-frak tal-ħobż. Roxx fuq l-ispagetti fid-dixx u sajjar fil-forn għal 8-10 minuti sakemm il-wiċċ jieħu kulur dehbi.