Bugħaddasa titlef ħajjitha f’Għawdex

Read in English.

Bugħaddasa ta’ 35 sena tilfet ħajjitha f’Għawdex.

Kelliem għall-Pulizija qal lil Newsbook.com.mt li l-bugħaddasa kienet qed tgħodos ma’ persuna oħra f’Imġarr ix-Xini. Għal xi raġuni, l-mara li toqgħod ir-Rabat Għawdex sabet ruħha f’diffikultà.

Il-vittma ttelgħet l-art fil-Port tal-Imġarr minn dgħajsa tal-Forzi Armati ta’ Malta (AFM) u tim mediku ta l-ewwel għajnuna. Madanakollu l-mara ġiet iċċertifikata mejta fuq il-post.

Il-każ seħħ għall-10.30am.

Infetħet inkjesta maġisterjali dwar il-każ.