Bomba Fgura: It-tliet akkużati jibqgħu taħt arrest

It-tliet persuni akkużati li ppruvaw iwettqu attakk b’bomba fil-Fgura ma ngħatawx il-ħelsien mill-arrest.

Żewġt aħwa, raġel ta’ 34 sena mix-Xghajra, u ieħor ta’ 29 sena minn Birżebbuġa, flimkien ma’ raġel ieħor ta’ 49 sena mill-Qrendi huma akkużati li wettqu atti kriminali li jinkludi l-ħidma nnifisha jew il-kummissjoni tal-ħidma ta’ splussiv intenzjonat biex joqtol lil negozjant tal-karozzi.

L-irġiel ilhom taħt arrest preventiv għal madwar 4 xhur.

Il-Qorti qalet li ma laqgħetx it-talba għal-libertà proviżorja minħabba l-gravità tal-offiżi u li ma kienux persuni ta’ min jafdahom.

Il-vittma fil-każ tal-attentat ta’ karozza bomba fil-Fgura f’Jannar li għadda, qal fil-Qorti li fil-jiem ta’ wara l-attentat baqa’ imsakkar id-dar bil-biżà.