Bla saqaf fuq rasu ta’ 34; jammetti li pprova jisraq

Raġel ta’ 34 sena li jgħix mingħajr saqaf fuq rasu ammetta li pprova jisraq minn karozza f’Ħal Qormi.

Fil-Qorti nstema’ kif il-każ seħħ is-Sibt filgħaxija. L-akkużat inqabad minn persuna li kienet toqgħod fit-triq li taħdem fil-Faċilità Korrettiva ta’ Kordin.

Ir-raġel, Eman Ebejer, ġie akkużat li kien reċidiv u li kien fil-pussess ta’ oġġetti suspettużi mingħajr spjegazzjoni valida. Ebejer diġà kien involut f’każ ieħor ta’ serq fil-passat.

Ebejer ingħata sentenza ta’ ordni ta’ projbizzjoni ta’ tliet snin.

L-avukat tad-difiża kien Christopher Chircop. Il-prosekuzzjoni tmexxiet mill-Ispettur Roderick Agius.

Il-Maġistrat kienet Gabriella Vella.