Attakki tal-qalb u puplesija fost l-aktar kawżiet komuni ta’ mwiet

Chris-Fearne Mater Dei
Miguela Xuereb

Id-Deputat Prim Ministru u Ministru għas-Saħħa Chris Fearne qal fil-Parlament li fl-2018 u fl-2019 mard ċirkolatorju, fosthom l-attakki tal-qalb u l-puplesija, kien l-aktar li wassal għal imwiet.

Huwa ta din l-informazzjoni meta ġie mistoqsi mill-Membru Parlamentari Godfrey Farrugia għal-lista sħiħa tal-persuni kollha li mietu fil-Gżejjer Maltin minn Jannar sa Ottubru tal-2018, l-2019 u l-2020, u dettalji dwar il-mewt tagħhom.

Fl-istatistika li ppreżenta Dr Fearne, jidher li minn Jannar sa Ottubru tal-2018 u tal-2019 mietu 3068 persuna u 3090 persuna rispettivament. Bejn Jannar u April ta’ din is-sena, imbagħad, kien hemm 1,414-il mewta.

L-aktar kawża komuni ta’ mewt hija b’mard ċirkolatorju, li jinkludi attakki tal-qalb u puplesija. It-tieni l-aktar kawża tal-mewt komuni hi l-kanċer, filwaqt li l-inqas kawża komuni hi infezzjonijiet, li jeskludu infezzjonijiet respiratorji.

F’Mejju sar appell biex in-nies ma jinjorawx sinjali ta’ attakk tal-qalb jew puplesija. Dan minħabba li f’dak il-perjodu, meta l-coronavirus kien għadu qed jixref rasu f’Malta, bosta persuni kienu mbeżżgħin u żammew lura milli jmorru fil-faċilitajiet tas-saħħa.

Ta’ min jinnota li minn sena għall-oħra, in-numri ta’ mwiet b’kawża partikolari donnhom jibqgħu fl-istess ilma.

Kawża tal-mewt201820192020 (minn Jannar sa April)
Mard ċirkolatorju inklużi attakki tal-qalb u puplesija10271054442
Kanċer898796330
Mard tas-sistema respiratorja321387198
Kundizzjonijiet mentali (prinċiparjament dimensja)212193118
Kundizzjonijiet endokrinali (prinċiparjament dijabete)178183100
Mard tas-sistema diġestiva809754
Imwiet minħabba inċidenti, suwiċidju u omiċidju989034
Mard tas-sistema newroloġika828833
Mard tal-kliewi u tal-bużżieqa tal-awrina707327
Imwiet minħabba infezzjonijiet li jeskludu infezzjonijiet respiratorji394222
Imwiet minn Covid-19003
Imwiet minħabba kawżi oħra638753
Total306830901414

It-tabella telenka anke l-imwiet li kien hemm bil-Covid-19, u sa April ta’ din is-sena, Malta kellha biss tliet imwiet bil-coronavirus, mentri sal-lum kien hemm 74 persuna li mietu b’dan il-virus.