Jiskadi l-perjodu għan-nomini għas-siġġijiet ta’ Busuttil u Portelli

Aġġornat 04:13 PM

Read in English.

Propju llum f’nofsinhar skada l-perjodu li fih dawk li kienu eliġibbli għas-siġġijiet parlamentari vakati fid-Disa’ u fit-12-il Distrett, setgħu jissottomettu n-nomina tagħhom.

Nhar it-Tlieta jiġi deċiż min se jkun qed jieħu s-siġġijiet tal-eks Kap tal-Oppożizzjoni Simon Busuttil fit-12-il Distrett u l-Membru Parlamentari Marthese Portelli fid-Disa’ Distrett.

Fi stqarrija, il-Kummissjoni Elettorali spjegat li b’kollox irċeviet ħames nomini għas-siġġu ta’ Busuttil. Dawn huma:

  • Simone Aquilina
  • Graziella Galea
  • Edward Torpiano
  • David Thake
  • Sam Abela

Fejn jidħol is-siġġu fid-Disa’ Distrett li kien ta’ Marthese Portelli, ġew sottomessi seba’ nomini:

  • Ivan Bartolo
  • Roslyn Borg Knight
  • Albert Buttigieg
  • Noel Muscat
  • Charles Selvaggi
  • Graziella Attard Previ
  • Alan Abela Wedge

Il-Kummissjoni Elettorali qalet li l-għadd tal-voti tal-elezzjoni każwali biex jimtela l-postijiet vakanti se jsir nhar it-Tlieta, 10 ta’ Marzu, fil-Kumpless tal-Għadd tal-Voti, in-Naxxar. L-għadd tal-voti għas-siġġu ta’ Busuttil se jsir fid-9am filwaqt li l-għadd tal-voti għas-siġġu ta’ Portelli se jibda fil-11am.