Il-Papa mistenni jitlaqqam kontra l-Covid-19 il-ġimgħa d-dieħla

Read in English.

Il-Papa Franġisku mistenni jieħu t-tilqima kontra l-coronavirus il-ġimgħa d-dieħla.

Huwa qal dan f’intervista fuq l-istazzjon Canale 5, filwaqt li ħeġġeġ lin-nies biex jieħdu l-vaċċin meta tiġihom l-opportunità.

Żied jgħid li ma jifhimx l-oġġezzjoni ta’ xi nies biex jieħdu l-vaċċin, għax fil-fehma tiegħu, jekk dan ikun approvat u rakkomandat mit-tobba, dan hu sinjal li hu sigur.

L-intervista se tixxandar fid-8.40pm illejla fuq il-Canale 5. L-istazzjon se jibqa’ għaddej bi programmi dwar il-Papa Franġisku, inkluż b’film dwaru.