89 miljun jissieltu mad-droga

89 miljun persuna fl-Unjoni Ewropea huma milquta mill-problema tad-droga.

Dan qalu l-Ispeaker Anġlu Farrugia fil-Jum Internazzjonali kontra l-abbuż mid-droga fejn qal ukoll li f’Malta eluf qed jissieltu ma’ din il-problema.

Farrugia qal li d-droga taffettwa mhux biss lil min jabbuża iżda lill-familjari tagħhom ukoll. Tkellem ukoll dwar problemi fis-soċjetà li jistgħu jwasslu għal dan l-abbuż.

Il-Ministru għall-Familja Michael Falzon żied jgħid li d-droga hi problema ewlenija f’Malta.

Il-Ministru ħabbar li se tkun organizzata konferenza bit-titlu “Ħajja ħielsa mid-droga – flimkien b’għan wieħed”, it-Tlieta 26 ta’ Ġunju fil-Parlament.