820 każ attiv tal-coronavirus; mhix magħrufa l-oriġini ta’ 57 minn tal-bieraħ

68 każ ġdid tal-coronavirus

face masks
Miguela Xuereb

Read in English.

Malta kellha 68 każ ġdid tal-coronavirus fl-aħħar 24 siegħa, filwaqt li fiequ 14-il persuna. Dan ħareġ mill-1,940 swab test li saru.

B’hekk issa t-total ta’ każijiet attivi tal-coronavirus f’Malta huwa ta’ 820.

OFFICIAL COVID-19 figures for 12•10•2020Chris Fearne | MaltaGov | Health Promotion and Disease Prevention Directorate

Posted by saħħa on Monday, October 12, 2020

Illum tħabbret it-43 mewta bil-coronavirus, dik ta’ anzjan ieħor ta’ 67 sena. Ilbieraħ ukoll miet raġel ta’ 67 sena bil-virus. Skont il-Ministeru tas-Saħħa, dawn it-tnejn kellhom kundizzjonijiet tas-saħħa ulterjuri.

Ilbieraħ kien hemm 95 każ ġdid tal-coronavirus. Minn dawn kien hemm:

  • 22 każ ta’ membri tal-familja ta’ persuni li kellhom il-virus
  • 11-il każ minn fuq il-post tax-xogħol
  • Każ ta’ persuna li kellha kuntatt dirett ma’ xi ħadd bil-virus
  • Każ minn attività soċjali fejn kien hemm nies bil-virus
  • Każ mill-cluster ta’ Paceville
  • 2 każijiet impurtati

Dan ifisser li s-57 każ l-ieħor kienu ġejjin mill-komunità.