5 persuni fiż-żona ta’ salvataġġ Maltija; “Tibqgħux tilagħbu bil-ħajja tan-nies”

Aġġornat 10:16 AM
Twitter

Alarm Phone wissiet lil Malta u l-Italja biex ma jibqgħux jilagħbu bil-ħajja tan-nies, billi hemm ħames persuni f’periklu abbord dgħajsa fil-Baħar Mediterran.

Dalgħodu l-NGO kitbet li tilfet kuntatt ma’ dawn il-persuni mal-lejl, u ma tafx jekk irnexxilhomx isalvaw. Iċ-Ċentru ta’ Kordinazzjoni u Salvataġġ Malti informa lil Alarm Phone li hu konxju tas-sitwazzjoni. Hi appellatlu biex iwettaq l-obbligu tiegħu u jsalvaw lil dawn in-nies.

Ilbieraħ, l-NGO qalet li infurmat lill-awtoritajiet bil-ħames immigranti li jinsabu fuq dgħajsa żgħira bejn Malta u l-Italja. Kien hemm ukoll emerġenza medika abbord peress li persuna minnhom kellha bżonn dijaliżi.

Fuq Twitter, l-NGO qalet li qed tibża’ li se sseħħ xi traġedja, billi r-riħ u l-mewġ kienu qawwijin. Appellat lil Malta biex tintervjeni wara li wiġibha ċ-Ċentru ta’ Salvataġġ Taljan li qal li din hi responsabbiltà ta’ Malta għax id-dgħajsa kienet fiż-żona ta’ salvataġġ Maltija.

Il-Prim Ministru jitlob l-appoġġ tal-Kap il-ġdid tal-PN fuq l-immigrazzjoni
“Pajjiżna Full Up”: Robert Abela jitlob appoġġ lil Bernard Grech
Statistika li ta l-Ministru Evarist Bartolo
8% tal-immigranti rilokati fl-UE fi 15-il sena