31 xahar mill-assassinju ta’ Daphne; protesta virtwali

Read in English.

Il-grupp Occupy Justice ħejja filmat li jimmarka il-31 xahar mill-assassinju tal-ġurnalista investigattiva Daphne Caruana Galizia.

Il-filmat li kien ippubblikat fuq il-paġna ta’ Facebook tal-grupp juri fil-qosor kif il-monument tal-Assedju l-Kbir sar simbolu permanenti ta’ protesta u għajta għall-ġustizzja għal Caruana Galizia u l-istejjer tagħha.

31 Months on

Daphne Caruana Galizia was assassinated 31 months ago, on 16 October 2017. Justice has not yet been served.Repubblika Times of Malta Malta Independent TheShiftNews Lovin Malta Newsbook.com.mt MaltaToday

Posted by Occupy Justice Malta on Friday, May 15, 2020

Minħabba l-pandemija tal-coronavirus, il-vġili ta’ kull xahar ma setgħetx tibqa’ ssir fil-Belt Valletta. Minflok, il-pubbliku u l-attivisti sabu mod kif jikkommemoraw il-memorja tal-ġurnalista u fl-istess waqt ikomplu bl-għajta tagħhom għall-ġustizzja.

Waħda mill-inizjattivi li qed jieħu l-pubbliku huwa li jixgħel xemgħa bħala tfakkira tal-ġurnalista, fis-7.30pm illum. Is-soltu il-vġili sseħħ kull 16 tax-xahar. “Irridu ġustizzja u t-tmiem tal-impunità,” kitbet persuna fuq Facebook.

Intant, illum waranofsinhar, attivisti mhux magħrufa dendlu sinjal quddiem l-uffiċċju tal-Prim Ministru. Min-naħa l-oħra, il-cartoonist Seb Tanti Burlo ħabbar li 60% tal-bejgħ mill-arti tiegħu tal-linja Fjuri ta’ Malta se tingħata donazzjoni lil The Daphne Caruana Galizia Foundation.

Intant, l-NGO Repubblika ppubblikat ritratt tal-ġurnalista investigattiva annessa ma’ poeżija ta’ Maya Angelou u se tkun qed ittella’ programm speċjali fuq il-paġna ta’ Facebook fis-7.30pm. Il-programm se jkun ippreżentat mill-eks preżentatur tat-TV u r-radju Norman Vella u se jipparteċipaw il-ġurnalist tal-MaltaToday Matthew Agius, Louiselle Vassallo, Manuel Delia u d-Direttur ta’ Reporters Without Borders Rebecca Vincent.

🌿 Daphne Caruana Galizia – 31 monthsYou may write me down in historyWith your bitter, twisted lies,You may tread me…

Posted by Repubblika on Saturday, May 16, 2020