Read in English.
Il-Ministeru għas-Saħħa ħabbar il-mewt ta’ tliet persuni oħra li mietu wara li nstabu pożittivi għall-Covid-19.
Fl-ewwel każ raġel ta’ 70 sena, li kien ikkonfermat pożittiv għall-Covid-19 fis-16 ta’ Novembru, miet ilbieraħ fir-residenza St Vincent de Paul.
Fit-tieni każ mara ta’ 73 sena, li kienet ikkonfermata pożittiva għall-Covid-19 fl-1 ta’ Novembru, mietet aktar kmieni llum fl-Isptar Mater Dei.
Fit-tielet każ raġel ta’ 80 sena, li kien ikkonfermat pożittiv għall-Covid-19 fis-6 ta’ Novembru, miet aktar kmieni llum fl-Isptar Mater Dei.
Il-Ministeru għas-Saħħa, filwaqt li ta l-kondoljanzi lill-familjari tal-anzjani, appella biex kulħadd jimxi mal-miżuri ta’ prevenzjoni.
Issa t-total ta’ mwiet fil-pajjiż tela’ għal 128.
