2 żgħażagħ jindarbu f’inċident bil-mutur fix-Xewkija

Miguela Xuereb

Żewġ żgħażagħ indarbu waqt inċident tat-traffiku bil-mutur ilbieraħ fix-Xewkija.

L-inċident ġara fis-5.45pm fi Triq is-Salvatur.

Iż-żewġ żgħażagħ ta’ 17-il sena mix-Xewkija stess kienu rikbin fuq il-mutur meta s-sewwieq tilef il-kontroll tal-vettura.

Huma ttieħdu l-Isptar Ġenerali t’Għawdex fejn irriżulta li l-passiġġier ġarrab ġrieħi gravi, filwaqt li s-sewwieq sofra ġrieħi ħfief.