180 voluntier jagħmlu x-xiri għall-anzjani

Twaqqaf grupp bl-isem Invisible Hands Malta li jikkonsisti minn 180 voluntier li qegħdin jaraw kif jagħmlu biex jgħinu lill-komunità fi żmien il-coronavirus, pereżempju billi jagħmlu x-xiri għal dawk li ma jistgħux joħorġu minn djarhom u jħalluhulhom wara l-bieb.

Il-grupp twaqqaf minn sitt barranin li joqogħdu f’Malta, li spjegaw li l-grupp semmewh “Idejn Inviżibbli” għax sfortunatament, hekk għandhom ikunu, inviżibbli, peress li m’għandux ikun hemm kuntatt dirett meta huma jwasslu x-xirjiet wara bieb dawk li jkollhom bżonn: l-anzjani, il-vulnerabbli, nies li qegħdin kwarantina.

Qalu li ħassew il-ħtieġa li jroddu xi ħaġa lura lill-komunità Maltija li laqgħethom.

Mara li użat dan is-servizz baqgħet mistagħġba li f’temp ta’ sagħtejn, kellha x-xirja wara l-bieb.

"I used Invisible Hands Malta, asking for fruit and veg to be delivered in Gzira. The request was made early this…

Posted by Invisible Hands Malta on Thursday, April 9, 2020

Huma joperaw minn fuq is-sit elettroniku tagħhom, fejn min ikollu bżonn l-għajnuna jirreġistra u jiġi assenjat voluntier biex jagħmillu l-qadi meħtieġ. Għal min mhuwiex daqshekk familjari mal-internet, inħoloq dan in-numru tat-telefown: 21669169.