17-il raġuni għala Fenech ma jridx lil Arnaud jinvestiga

REUTERS Yara Nardi

Read in English.

Dawn huma l-punti ewlenin li ħarġu mix-xhieda ta’ Yorgen Fenech, akkużat b’kompliċità fl-assassinju tal-ġurnalista Daphne Caruana Galizia, dwar l-oġġezzjoni tiegħu li l-investigazzjoni tal-każ titmexxa mill-Ispettur Keith Arnaud:

  • Ilu jaf lil Keith Schembri minn meta kienu tfal. Saru ħbieb kbar fl-2009. Ifittxu lil xulxin għal l-ħruġ, btajjel u problemi. Ħbiberija ta’ bejn l-aħwa (‘fraternal friendship’) estiża għan-negozju.
  • L-Ispettur Arnaud kien iżomm lil Keith Schembri infurmat kontinwament dwar dak li jkun qed jiġri, biex imbagħad Keith Schembri jinforma lil Fenech. Fenech kien infurmat ukoll bir-rejd fit-tinda tal-patata li wassal għall-arrest tat-tliet akkużati bl-assassinju ta’ Daphne.
  • Yorgen Fenech kiseb informazzjoni mingħand Keith Schembri, liema informazzjoni jkun kiseb mill-Ispettur Keith Arnaud, li qed jinvestiga l-każ.
  • Fenech ma kienx jafu lil Arnaud, imma qal li Schembri kien jafu tajjeb ħafna, tant li kien sab xogħol lil mart Arnaud ma’ Infrastructure Malta.
  • Fenech ingħata informazzjoni li kienet tinkludi: evidenza, rikordings, dettalji ta’ diskussjonijiet ma’ Vince Muscat, wieħed mill-akkużati li kien talab maħfra presidenzjali.
  • Schembri qal lil Fenech li l-mowbajl tiegħu kien interċettat.
  • Schembri qal lil Fenech li Melvin Theuma kien se jiġi arrestat u tah il-kliem eżatt tal-maħfra.
  • Schembri u Fenech taw informazzjoni lil xulxin, inkluż partijiet mir-rikordings ta’ Theuma fuq Whatsapp u Signal
  • Diskussjonijiet ma’ Vince Muscat kienu mmexxija minn Arnaud.
  • Fenech dejjem mar minn jeddu biex jiġi interrogat.
  • Arnaud qal lil Fenech: Kun responsabbli u attent lil min tinvolvi. Fenech wieġbu: Dażgur, serraħ rasek, filwaqt li staqsieh jekk hux qed jirreferi għal Keith Schembri. Arnaud wieġbu fl-affermittiv.
  • Iddeskriva l-bidla fl-attitudni minn naħa ta’ Arnaud: minn amikevoli u ta’ għajnuna meta ma kienx isemmi lil Schembri għal waħda ostili u arroganti.
  • Arnaud kien qed jaġġorna lil Schembri dwar ix-xhieda ta’ Fenech.
  • Schembri bagħat żewġ skripts lil Fenech, dwar x’għandu jgħid lill-Pulizija. Dan bagħtu mat-tabib Dr Adrian Vella, li hu t-tabib ta’ Schembri u Fenech.
  • Ir-rikordings ta’ Theuma jimplikaw lil Keith Schembri direttament. Schembri għandu rabtiet diretti ma’ Theuma permezz ta’ ritratti, laqgħat, rikordings u kuntratt tax-xogħol.
  • L-apparat elettroniku kollu ta’ Fenech, dak tal-familja tiegħu – mara u t-tfal, u tas-segretarja, ġew ikkonfiskati mill-Pulizija.
  • Il-Pulizija ħarġu stqarrija immedjata li Schembri ma kienx involut, minkejja l-evidenza. Arnaud mhux f’pożizzjoni li jinvestiga għax għandu kunflitt ċar ta’ interess.